Səyahət zamanı bir çox insan “layover” anlayışı ilə qarşılaşır. Layover — tranzit reysi zamanı iki uçuş arasında olan gözləmə müddətidir. Bu, adətən beynəlxalq uçuşlarda baş verir və səyahətçinin bir ölkədən digərinə keçərkən aralıq hava limanında müəyyən saatlar qalmasını nəzərdə tutur.
Layover müddəti müxtəlif ola bilər: bəzən cəmi 1-2 saat, bəzən isə 10 saatdan çox çəkə bilər. Qısa layover adətən yalnız növbəti uçuşa keçid üçündür, uzun layover isə səyahətçiyə şəhəri qısa müddətdə gəzmək və ya hava limanında istirahət etmək imkanı yaradır.
Online aviabilet sifarişi zamanı səyahətçilər üçün ən vacib məsələlərdən biri — layover müddətini düzgün seçməkdir. Əgər uçuşlar fərqli aviaşirkətlər tərəfindən həyata keçirilirsə, tranzit vaxtının minimum 3-4 saat olmasına diqqət etmək tövsiyə olunur. Bu, təhlükəsizlik yoxlamalarına və bagajın təhvilinə sərf olunan vaxtı kompensasiya etməyə kömək edir.
Uzun layover zamanı isə səyahətçilər hava limanının yaxınlığında yerləşən otellərdə istirahət edə, şəhəri kəşf edə və ya “lounge” zonalardan istifadə edə bilərlər. Bəzi aviaşirkətlər uzun tranzitlərdə pulsuz şəhər turları və ya transfer xidmətləri də təklif edir.
Səyahət planlaşdırarkən, layover müddətini düzgün qiymətləndirmək həm rahat, həm də stresssiz səyahətin əsas açarıdır. Online aviabilet platformaları sizə reyslərin qarşılaşdırılması, layover müddətləri və hava limanları barədə ətraflı məlumat təqdim edir. Bu məlumatlardan istifadə edərək daha optimal və sərfəli uçuş marşrutu seçə bilərsiniz.
