20 noyabrdan etibarən portativ şarj cihazlarının (“power bank”) daşınması və istifadəsi ilə bağlı yeni təhlükəsizlik qaydaları tətbiq edilir. Qərar litium-ion batareyalı cihazların yarada biləcəyi riskləri azaltmaq və sərnişinlərin təhlükəsizliyini maksimum təmin etmək məqsədi daşıyır.
Yeni qaydalar:
• Təyyarə salonunda portativ şarj cihazlarından istifadə qadağandır;
• Şarj cihazını təyyarənin enerji şəbəkəsinə qoşmaq olmaz;
• Şarj cihazını yuxarı baqaj rəflərində saxlamaq qadağandır – cihaz sərnişinin yanında olmalıdır ki, ekipaj lazımi halda müdaxilə edə bilsin.
Yalnız zavod markalaması olan və 100 vat/saatadək nominal tutuma malik bir ədəd portativ şarj cihazını əl yükündə daşımağa icazə verilir. 100–160 vat/saat tutumlu akkumulyatorlar isə yalnız aviaşirkətin əvvəlcədən verilmiş razılığı ilə daşına bilər.
Yenilənmiş tələblər beynəlxalq mülki aviasiya qaydalarına tam uyğunlaşdırılıb.
